影片
更多
2006-02-27
20 浏览
想平平地食餐日本野，朋友话四十蚊可以任食，于是去试下。劝大家真系唔好乱咁试新野，四十蚊看似吸引，去完之后，十蚊一餐我都唔会再去食，真系食到好饱呀，但个肚里面唔系寿司，系成肚火同怒气呀！1. 无三文鱼0既寿司店 唔系因为四十蚊太平而唔设有三文鱼，我同个frd望住佢有成盘山咁高0既三文鱼放0系度，但系师傅都仲正系整埋0的cheap cheap野：杂果沙律、蟹子、吞拿鱼沙律....好多客因此都落order叫三文鱼、鳗鱼0个0的款式，但系order照落，单照拖。留住0的三文鱼有宝咩?!肉类又唔放得耐，俾你做宵夜都食济你啦！2. 服务态度差差差 叫左十万年先有人过黎同你落单，个个客都至少等二十分钟以上。于是好多人都追单，但系佢地好似好唔满意你追单咁；有0的侍应姐姐好似好惊俾客追单咁，明知你叫佢都掂行掂过。咁多客人追，照理佢地都应该手忙脚乱去搞番掂0的单。但系佢地urgent野唔做，走去执下杯、收碟、抺台，根本无人理0的order。3. 投诉无门 咁当然有0的客发火啦，但系0的侍应唔反省不特止，仲0系背后若无其事咁话：「哗...佢好恶呀，真系好得人惊呀！」梗系恶啦！成间野揾匀晒
1. 无三文鱼0既寿司店
唔系因为四十蚊太平而唔设有三文鱼，我同个frd望住佢有成盘山咁高0既三文鱼放0系度，但系师傅都仲正系整埋0的cheap cheap野：杂果沙律、蟹子、吞拿鱼沙律....好多客因此都落order叫三文鱼、鳗鱼0个0的款式，但系order照落，单照拖。留住0的三文鱼有宝咩
?!肉类又唔放得耐，俾你做宵夜都食济你啦！
2. 服务态度差差差
叫左十万年先有人过黎同你落单，个个客都至少等二十分钟以上。于是好多人都追单，但系佢地好似好唔满意你追单咁；有0的侍应姐姐好似好惊俾客追单咁，明知你叫佢都掂行掂过。
咁多客人追，照理佢地都应该手忙脚乱去搞番掂0的单。但系佢地urgent野唔做，走去执下杯、收碟、抺台，根本无人理0的order。
3. 投诉无门
咁当然有0的客发火啦，但系0的侍应唔反省不特止，仲0系背后若无其事咁话：「哗...佢好恶呀，真系好得人惊呀！」梗系恶啦！成间野揾匀晒一个经理或者负责人都唔见，0个个想投诉0既男人，要打电话去西九龙中心间明将先投诉到，但最后都好似无人理佢个case。我0系度食咁耐，差唔多几分钟就有人投诉order未黎、无三文鱼之类之类，好似全间店都充满怒火，但你有你嬲，佢地有佢地唔理。
4. 食物质责差
吞拿鱼沙律出水，等左廿年先黎到0既三文鱼庸庸烂烂，蟹子沙律得丁屎咁多蟹子，螺肉寿司放得一粒螺肉...四十蚊0系百佳度夹，可以食得好丰富啦！驶乜受埋佢地0的气！
真系好忿怒呀！最衰就系佢个舖位位置够旺，所以长年都有好多人0系下面排队，人地见有人排，唔觉得里面咁差，于是就有更多人中招。我真系唔想再有咁多人食到一肚气，所以不得不打呢篇野出黎！
张贴