影片
更多
2008-07-07
53 浏览
六月一日, 妈子突然打嚟话今晚食饭, 本来喺屋企温书既我, 都唔想为咗考试六亲不认, 妈子叫到, 当然要泡吓头啦!!我哋成十三个人嚟咗荃湾呢间已经有三十年既【东江大饭店】食晚饭,由于我迟嚟咗少少, 所以佢哋已经开紧餐啦!以下既菜唔多详细介绍, 因为今次我冇睇过菜单, 唔知咩名堂, 亦唔清楚价钱, 但我谂各位睇到相同对客家菜有少少认识既都应该知系乜。扣肉 OK, 但都系唔多敢食佢啲肥膏.....左面果碟系用花椒八角炒豆豆, 都算几香, 不过个人觉得唔够味,右面唔驶讲都知系鱼香茄子, 姐夫话好食, 但我就觉得啲茄子根本未入味, 唔合格!盐焗鸡, 好普通, 好似只食到咸味, 冇乜鸡味, 所以好钟意食鸡既我都系食咗一件咋!呢碟拼盘都系普通啦, 全部都系炸嘢, 我只敢每样食一小件, 但味道好似又系唔多够㖞.....................(前) 京都骨, (后左) 炒牛丸, (后右) 炆豆腐,后面果两碟都系普通啦! 但碟京都骨真系好过份..........大家睇个样觉得冇问题系咪? 我哋都系咁谂, 点知食落..........原来系乜味都冇啰!! 食落搞到自己好似突然冇咗味觉咁!!初
本来喺屋企温书既我, 都唔想为咗考试六亲不认, 妈子叫到, 当然要泡吓头啦!!
我哋成十三个人嚟咗荃湾呢间已经有三十年既【东江大饭店】食晚饭,
由于我迟嚟咗少少, 所以佢哋已经开紧餐啦!
以下既菜唔多详细介绍, 因为今次我冇睇过菜单, 唔知咩名堂, 亦唔清楚价钱,
但我谂各位睇到相同对客家菜有少少认识既都应该知系乜。
扣肉 OK, 但都系唔多敢食佢啲肥膏.....
左面果碟系用花椒八角炒豆豆, 都算几香, 不过个人觉得唔够味,
右面唔驶讲都知系鱼香茄子, 姐夫话好食, 但我就觉得啲茄子根本未入味, 唔合格!
盐焗鸡, 好普通, 好似只食到咸味, 冇乜鸡味, 所以好钟意食鸡既我都系食咗一件咋!
呢碟拼盘都系普通啦, 全部都系炸嘢, 我只敢每样食一小件,
但味道好似又系唔多够㖞.....................
(前) 京都骨, (后左) 炒牛丸, (后右) 炆豆腐,
后面果两碟都系普通啦! 但碟京都骨真系好过份..........
大家睇个样觉得冇问题系咪? 我哋都系咁谂, 点知食落..........
原来系乜味都冇啰!! 食落搞到自己好似突然冇咗味觉咁!!
初时姐夫食话冇味, 我谂都系佢食开浓味嘢啫, 我又试吓啦, 真系乜味都冇㖞!
妈子都系唔信, 即刻试一件, 哗! 妈子都食唔出任何味呀!!
我哋当然要叫人嚟换咗佢啦! 第一次叫个亚姐女侍应过嚟,
咁啱另一个亲友同佢讲要多碟酸汁, 佢就当我讲既嘢冇到, 走咗去拎酸汁! 搞错呀...
佢再走埋嚟, 放底碟酸汁后想即时转头走, 我立即叫住佢, 同佢讲多次,
点知佢话 : 「系咩... 冇埋由架...」我话 : 「唔信你可以试吓! 而家三个人都话冇味㖞!!」
佢先死死地气拎入去唔知畀边个试, 我谂系经理啩~
跟住一个似系男经理既亚叔同个女侍应走埋嚟话 :
「碟嘢冇问题㖞, 系咁既味架㖞! 不过算啦, 你哋想点?」
哗! 咩服务态度呀?!! 仲死口唔认?!! 明明真系乜味都冇, 你哋只系落色素架?!!
最后我哋话唔要呢碟, 谂过第二样𩠌好过, 结果拣咗腐乳炒通菜。(件事仲未完, 仲有下文...)
呢条鱼又系冇味既, 连面头啲咸菜都好淡好淡呀!! 咁落咸菜嚟做乜? 不如就咁清蒸条鱼好过啦!
最后埋单时, 又系果个男经理走埋嚟,
我哋睇吓张单, 又系写噃「骨」字, 旁边写 "64",
(佢哋用手写单, 只写一个字代表一个𩠌, 跟住旁边写价钱),
哗! 搞错咗㖞, 同噃个经理讲, 话我哋改咗通菜㖞,
谂住佢应该记得, 只系写单果个错咗啦,
点知佢竟然笑笑口答 : 「吓? 哦! (京都骨同通菜) 个价钱差唔多啫~~」
仲完全冇意思帮我哋改单!!
哗!! 唔系啩!! 就算真系价钱差唔多, 都唔系唔改单呀!!
有个一路都冇出声既亲友都认唔住即刻话 : 「乜碟肉会同碟菜差唔多价钱架?!!」
之后我哋个个都话一定要改单, 咁样计真系接受唔到!
个经理先又死死地气去改单, 原来佢要从新写过成张单, 唔怪得之唔想改单啦!
但系原来碟通菜只系 $30 啰! $64 同 $30 都叫差唔多价钱???
呢间嘢啲食物大部份都好淡味, 淡味得嚟又唔觉得系「清」果只,
只系觉得冇乜味, 连材料本身既鲜味都带唔到出嚟, 对我嚟讲绝对唔合格!
再加埋咁既服务, 我真系以后都唔会再帮衬!!
更详细资料及图片请看 : http://hk.myblog.yahoo.com/joycewai616/article?mid=8432
张贴
