新樂餐廳 (已結業)

最近转到佐敦道返工，区内虽然食肆林立，但午餐时经常要揾位食饭，都几辛苦 。今日同班同事倾开知道平时饮茶间新乐酒楼上面10楼仲有间Coffee Shop做Lunch Buffet，于是就一行3人上去试探吓。去到酒店门口已经有员工开门俾我哋入去，果然系酒店式服务!! 上到去仲唔使等位(我食1-2pm)，后来先发现原来1pm前埋单有免加一优惠，所以1pm后少d人。食物选择不算少，而且款式不会死板，补充源源不绝，绝对不用同人争。有沙律、冷面、中西汤、面包、热盘约10款、另外甜品方面也有很多选择，糕点类至糖水以及雪糕也有，红豆雪糕的红豆又多又大粒，正!个人较喜欢沙律及冷面，再加埋炸鸡翼很惹味，可以食多几只! 同事们则大赞猪脚姜及蒸鲩鱼，攞完一碟又一碟，话而家好少地方Lunch Buffet有。埋单时个经理同我哋讲听日开始逢星期一至四Lunch同埋Dinner都会有8折!!!我睇返之前d食评都好多人对呢间Cafe个Dinner俾几多好评，揾日收工可以过去试吓!