李景粥品專家 (已結業)

今日师傅谂到头爆都谂唔到食咩, 喺冇咩"艾啲牙"嘅情况底下, 唯有四处游荡, 最后行到呢间食店前, 师傅就停下脚步, 见到系食粥, 反正咁耐冇食过, 就入去试下啦!入到去店铺非常之细, 得五至六张枱仔加两个楼面, 坐底一睇, 哗, 发觉食碗粥嘅价钱都唔平㖞, 不过既然入左黎就豁出去, 话晒呢间都呢做粥品专家, 应该唔会差! 于是师傅就柯打简单d嘅肉丸粥, 再加多一碟爽滑鲜鱼皮!等一阵爽滑鲜鱼皮即到, 师傅立即发觉鱼皮上面有芝麻粒, 又唔系食肠粉, 都唔知点解会有芝麻, 感觉有少少不伦不类, 再试下个鲜鱼皮, 发觉都几鲜同埋冇腥味, 加上都算爽口, 但师傅觉得就始终唔及七喜正, 可以啦; 肉丸粥唔算好大碗, 但就有九至十粒猪肉丸, 先试下个粥底, 粥底唔绵加上非常淡口, 直头好似白粥咁, 如果系因为冇落味精嘅话, 而令到个粥淡口, 咁呢间粥品专家都算失败; 而肉丸就几爽口, 唔会实的的, 不过内里胡椒味颇重, 要扣分!总括黎讲粥品嘅质素真系唔得, 就连最基本粥底要绵都做唔到, 咁学咩人卖粥呀? 环境挤逼, 服务普通, 价钱偏贵, 三兜野一碗肉丸粥, 廿八鸡一碟爽滑鲜鱼皮, 绝对唔算抵食;