Crispy Bistro (已結業)

又到一星期嘅开始，梗要叹个丰富早餐先返工，但起身已经8点半，仲咩早餐吖，赶返工啦！但我系唔会空肚食午餐架，所以偷见客前少少时间，去到西营盘呢间好有外国feel嘅Crispy Bistro 叹番个早餐，咁至系Good Monday！Crispy Bistro夜晚系酒吧，日头就变身做Coffee Shop。除咗咖啡，仲有甜点同轻食，最舒服系呢度嘅文青气息。啱晒嚟慢活一阵。呢度既设计以木为主题，好有特色，枱用左旧式感觉既木质，配上唔同嘅花纹，好有特色，櫈就画左好多唔同图画，呢张猫头鹰就好得意。行入少少嘅相片墙，上面挂住马赛克灯就好有欧洲feel。Salmon, Crepe Breakfast and Pineapple Juice作为早餐，我觉得最重要系沙律菜配上黑醋，够晒健康！而早餐嘅其他配料包括烟三文鱼、炒蛋、薯饼、茄汁豆，而当中炒蛋都几惊喜，好滑呀！原本跟餐系食窝夫，但唔好甜嘅我，就转咗呢个即叫即制烟肉可丽饼，饼身有好香蛋味，热辣辣，唔错。果汁有3个选择：苹果、橙同菠萝，而我今日就拣咗菠萝汁，唔会死甜，够晒开胃。