芝味鳥

营业中

休息中

呢度地方唔算隐蔽，对住大马路，不过就偏僻咗D，隔篱左右全部都系车房，估唔到会有间食肆响中间。对面系工厂区而门口又泊咗几辆电单车，睇嚟都系做外卖为主。落地大窗，地方光猛，装修简约，以快餐形式经营，食物种类唔多，不外乎pizza、炸鸡、麦香鸡、焗饭/意粉，要咗个开心套餐（$28）有pizza、炸鸡、麦香鸡各一块，炸薯条同汤，份量不少最啱后生仔而学生仲平$3。忌廉汤比较稀但都几好味，炸鸡、麦香鸡同薯条系即炸，上台时好热，其中以炸鸡最正，外脆内嫩，D鸡仲有肉汁，正过上校个D，而块pizza都唔错，台面有芝士粉任落，加D响面零舍好味。个开心套餐无改错名,以呢个价钱食到咁有水准嘅食物都算系好超值,梗系开心啦。