影片
更多
2024-11-03
154 浏览
一路睇好多好评话必食，然后见到一个写完全相反嘅评语，于是都系半信半疑去试。坐低填好点餐单叫嘢俾钱先，店员都好友善，不过收银妹妹搞好耐先落好单，最后都系发现漏咗只溏心蛋。蛋$8唔系半熟，系未熟，里面蛋白溶嘅，而且唔系橙黄色蛋黄，成只蛋有阵好咸嘅味，但个味又同个拉面汤唔夹！讲返碗面，份量看似同一般拉面屋差不多，但竟然用个啱啱好嘅碗嚟装，汤无法俾多，饮咗一啖汤成碗已经变咗捞面嘅样。 平时食辣面嘅我，第一次食于是叫咗招牌浓虾汤面试咗先，闻落去闻得出虾味，但食落去冇乜，然后越来越重甜番茄味，好似落咗好多茄汁咁(唔系茄膏，茄膏酸啲香啲嘅)，平时食面会饮几啖汤今次饮一啖都唔想饮，完全唔系日本拉面𠮶回事！！𠮶碗面唯一可取嘅系𠮶三块叉烧，份量合理，入口即溶。 可惜只为𠮶几块叉烧的话，都唔够意欲想响呢间食。第一次试嘅拉面店，除咗面，一定会叫煎饺。 呢度得炸饺子，都试吓吧。 但佢个样，一睇就觉得硬，食落口真系好硬，皮好厚，仲好似翻炸咁。最后讲楼面，店唔大，坐嘅位都好open(伸咗出舖外)，但唔明小小的bar枱点解要放个游戏机响度，啲细路企响隔离，你一路食嘢佢一路响旁边拍打部机喧哗，张枱仲要系连住震嘅，真系唔
坐低填好点餐单叫嘢俾钱先，店员都好友善，不过收银妹妹搞好耐先落好单，最后都系发现漏咗只溏心蛋。蛋$8唔系半熟，系未熟，里面蛋白溶嘅，而且唔系橙黄色蛋黄，成只蛋有阵好咸嘅味，但个味又同个拉面汤唔夹！
讲返碗面，份量看似同一般拉面屋差不多，但竟然用个啱啱好嘅碗嚟装，汤无法俾多，饮咗一啖汤成碗已经变咗捞面嘅样。
平时食辣面嘅我，第一次食于是叫咗招牌浓虾汤面试咗先，闻落去闻得出虾味，但食落去冇乜，然后越来越重甜番茄味，好似落咗好多茄汁咁(唔系茄膏，茄膏酸啲香啲嘅)，平时食面会饮几啖汤今次饮一啖都唔想饮，完全唔系日本拉面𠮶回事！！
𠮶碗面唯一可取嘅系𠮶三块叉烧，份量合理，入口即溶。 可惜只为𠮶几块叉烧的话，都唔够意欲想响呢间食。
第一次试嘅拉面店，除咗面，一定会叫煎饺。 呢度得炸饺子，都试吓吧。 但佢个样，一睇就觉得硬，食落口真系好硬，皮好厚，仲好似翻炸咁。
最后讲楼面，店唔大，坐嘅位都好open(伸咗出舖外)，但唔明小小的bar枱点解要放个游戏机响度，啲细路企响隔离，你一路食嘢佢一路响旁边拍打部机喧哗，张枱仲要系连住震嘅，真系唔明店主谂乜要整蛊客人。
观塘咁多嘢食，我真系好唔相信呢间系观塘拉面之最。
张贴
