影片
更多
2021-04-05
176 浏览
04.04.2021上Open Rice偶而发现这间Cafe52，专登衬复活节去试下，好近朗屛西铁站，好方便呀。去到最吸晴首先并唔系食物，而系餐厅环境布置同装饰，尤其系墙上有三块大黑板，好似用粉笔绘画，绘画了用兔子做主角嘅不同绘画，好有意境呀！另外，周围都有不同的兔子布置，喜欢兔子嘅朋友一定好喜欢。唔好计食物好唔好味，浄系打咭都抵，好靓呀！当然食物嘅质素、味道同卖相，对一间餐厅来讲，仍然系好重要。我哋叫咗一个dinner set，有头盘三文鱼沙律、菌汤、意式汁海鲜虎虾意大利饭同甜品；先讲菌汤，真心好味，又滑又浓，好好饮！三文鱼沙律不错，大大块三文鱼，绝不欺场！个海鲜意大利饭算是好丰富，有带子仔、青口之类，只虾也Ok，虽然个饭唔够滑，但整体来说不俗，仲要包甜品、饮品，$188真系超值！个甜品好似系面包曲奇，好似好硬，要大力用叉吉，但食起来松松，几好味㖞！（隔离枱系cheese cake，比较普通）另外，我哋叫咗羽衣甘蓝高纤沙律，我觉得普通。反而肉眼扒配车打芝士、忌廉芝士，加配竹炭汉堡包及薯条，好丰富。本身期望太高，之前喺另一间Rainbow Cuisine食过竹炭汉堡太美味，所以今次觉得
上Open Rice偶而发现这间Cafe52，专登衬复活节去试下，好近朗屛西铁站，好方便呀。
去到最吸晴首先并唔系食物，而系餐厅环境布置同装饰，尤其系墙上有三块大黑板，好似用粉笔绘画，绘画了用兔子做主角嘅不同绘画，好有意境呀！另外，周围都有不同的兔子布置，喜欢兔子嘅朋友一定好喜欢。唔好计食物好唔好味，浄系打咭都抵，好靓呀！
当然食物嘅质素、味道同卖相，对一间餐厅来讲，仍然系好重要。我哋叫咗一个dinner set，有头盘三文鱼沙律、菌汤、意式汁海鲜虎虾意大利饭同甜品；先讲菌汤，真心好味，又滑又浓，好好饮！三文鱼沙律不错，大大块三文鱼，绝不欺场！个海鲜意大利饭算是好丰富，有带子仔、青口之类，只虾也Ok，虽然个饭唔够滑，但整体来说不俗，仲要包甜品、饮品，$188真系超值！个甜品好似系面包曲奇，好似好硬，要大力用叉吉，但食起来松松，几好味㖞！（隔离枱系cheese cake，比较普通）
另外，我哋叫咗羽衣甘蓝高纤沙律，我觉得普通。反而肉眼扒配车打芝士、忌廉芝士，加配竹炭汉堡包及薯条，好丰富。本身期望太高，之前喺另一间Rainbow Cuisine食过竹炭汉堡太美味，所以今次觉得汉堡唔够热，唔系唔好食，只系可以更好吃！
但要称赞个小食拼盘(薯丝虾、网纸春卷、忌廉蟹肉薯饼、香茅薯饼、芝士年糕配薯条），样样都几好味，尤其薯丝虾、芝士年糕，正！仲有芝士肉酱焗薯、焦糖泡沫朱古力都OK。
综合来说，食物质素不错、抵食、尤其套餐特平，环境好靓，打咭至啱，而且职员都好勤力，常常执走食完碟子、有添水，临走有个满面笑容嘅女职员（唔知系唔系高级啲定老板？）问我哋食物好唔好食，同埋讲今日加一，平日唔洗...有咁殷勤嘅服务，算系好难得，抵赞！下次再来帮衬！
前菜：三文鱼沙律
9 浏览
0 赞好
0 留言
菌汤
7 浏览
0 赞好
0 留言
肉眼扒配车打芝士、忌廉芝士，加配竹炭汉堡包及薯条
$85
6 浏览
0 赞好
0 留言
芝士肉酱焗薯
$35
4 浏览
1 赞好
0 留言
小食拼盘(薯丝虾、网纸春卷、忌廉蟹肉薯饼、香茅薯饼、芝士年糕配薯条）
$68
6 浏览
0 赞好
0 留言
意式汁海鲜虎虾意大利饭
$188
6 浏览
0 赞好
0 留言
甜品
4 浏览
0 赞好
0 留言
张贴
