兩合海鮮火鍋飯店

营业中

休息中

朋友介紹呢一個位於紅磡街市二樓熟食中心的大排檔，今天終於試到，真的不錯。先來一個潮州三寶︰花生、菜脯加鹹酸菜，免費贈送的。我們兩個人點了三道菜，分別有潮州鹵水拼盤、鹹魚煎肉餅同埋椒絲腐乳炒通菜。因為兩個人，所以個潮州鹵水拼盤只可以叫個細Size的，否則實食唔晒，入面有紅腸、鹵水蛋、豬耳、豬頭肉、墨魚、生腸仲有鹵水炸豆腐，雖然佢個鹵水又唔係真係好香，不過勝在唔會好鹹，收貨。椒絲腐乳通菜就好難失手嘅，不過呢度嘅份量算大碟，抵食。三椒野食之中以鹹魚煎肉餅最出色，肉餅煎得香煎得透，鹹魚同肉餅的比例都幾好，唔會太鹹，又唔會食唔到鹹魚味，呢個真心推介。