和味

营业中

休息中

今日去左尖沙咀行街，经过见到呢间餐都几多人食，有好多游客，餐厅除左烧味仲有越南野食。我地叫左个脆皮虾饼汤檬 $72，除左虾饼仲有札肉，越式虾饼无泰式咁炸，但加埋鸡酱都好食，个檬粉质地不错，有咬口，个汤又唔会太淡。叫个汤粉配饮品半价，朋友叫菠萝冰 $32半价，好多菠萝，都几甜；而我就正价叫左新鲜椰青 $38，冻冰冰，清甜仲有椰肉食。越式软壳蟹米纸卷 $68，有6 件，个软壳蟹好香口，米纸卷个米粉就无乜味，要沾汁食！见好多食客都食烧味，都好吸引，不过我地唔太肚饿，就咁叫左个红烧乳鸽 $68，卖相吸引之余仲好惹味。