影片
更多
2014-07-27
2193 浏览
为了呢餐咁好食嘅晚饭，我决定将我嘅第一次…………写食评送俾呢间 Wild Grass😝其实我同女朋友对食真系冇咩要求，只要系好食同付担得起，通通照杀😂经过我一个超为食朋友嘅洗脑后，我决定拣呢间餐厅同女朋友食个 Brunch庆祝一周年😍既然决定左，就梗系要订枱先啦。点知已经早左一星期去book，就已经 full house😩，当我灰紧果阵，侍应哥哥话有冇兴趣试下个dinner，果一刻谂都冇谂就话好丫，我系绝对相信我果个食家朋友……(谂番起好彩我冇话唔使，如果唔系就错过左一餐难忘嘅晚饭)😁入番正题，间野位于中环亚毕诺道，开头都唔知系边咁就打去问下，原来喺系 Dragon I 上面转左(一讲 Dragon I 就知系边，因为我同女朋友就喺系 Dragon I 识😂)几经辛苦，终于到达目的地……间野个 feel 好好，带点宁静,啱晒二人世界撑枱脚😌一坐底，侍应就好细心地问我地有冇咩特别想食，然后详尽解释边几款系好多客人系会钟意食👍同大部份西餐一样，menu分为A-Lacarte(即系散嗌)同Set。几番思量后，决定每人嗌一个3courses set......因为每样都好似好正咁😋头盘嗌左个
其实我同女朋友对食真系冇咩要求，只要系好食同付担得起，通通照杀😂
经过我一个超为食朋友嘅洗脑后，我决定拣呢间餐厅同女朋友食个 Brunch庆祝一周年😍
既然决定左，就梗系要订枱先啦。点知已经早左一星期去book，就已经 full house😩，当我灰紧果阵，侍应哥哥话有冇兴趣试下个dinner，果一刻谂都冇谂就话好丫，我系绝对相信我果个食家朋友……(谂番起好彩我冇话唔使，如果唔系就错过左一餐难忘嘅晚饭)😁
入番正题，间野位于中环亚毕诺道，开头都唔知系边咁就打去问下，原来喺系 Dragon I 上面转左(一讲 Dragon I 就知系边，因为我同女朋友就喺系 Dragon I 识😂)
几经辛苦，终于到达目的地……间野个 feel 好好，带点宁静,啱晒二人世界撑枱脚😌
一坐底，侍应就好细心地问我地有冇咩特别想食，然后详尽解释边几款系好多客人系会钟意食👍
同大部份西餐一样，menu分为A-Lacarte(即系散嗌)同Set。几番思量后，决定每人嗌一个3courses set......因为每样都好似好正咁😋
头盘嗌左个 Carpaccio of Amberjack 同 Piri Piri Prawn。
Amberjack系琥珀鱼嘅刺身，配上带微酸嘅passionfruit做dressing,感觉好fresh，有别于平时食嘅日本sashimi.....正
Piri Piri Prawn就用几种不同嘅辣椒加埋garlic,cherry tomato一齐炒。辣辣地几开胃，啲虾仲要够大只又新鲜…………😆
激战完个头盘，就到主菜……我地拣左Roasted Halibut & Rib Eye Steak
Halibut系用半烤同半焗嘅方法，再配已原个garlic & 薯蓉做配菜……条鱼啲皮带点crispy，啲肉好滑，一食就知唔系冰鲜野。
Rib Eye Steak就系普通用煎，但要整得好食都唔系易。呢方面就真系考厨师嘅功架。我地钟意食生啲，之前喺好多所谓专门食steak嘅地方，都满足唔到我地，唔系太生就overcook...😒但呢到就真系煮得啱啱好，我地要medium rare...好耐都冇食过一块咁好食嘅扒喇?😁
其实食到呢到已经好饱，但点都要同埋个甜品决战。拣左Cheese Platter同Chocolate Fondant...😍😍
Cheese Platter有4款Cheese，加上生果，合桃同麦包，俾我地选择唔同嘅配法👍👍
Chocolate Fondant 都唔错，香浓嘅朱古力喺第一啖食落去蜂拥而出。再配埋Vanilla嘅雪糕中和番……一绝嘅配搭。
埋单每人大概500蚊，我觉得物超所值，无论食物，环境同服务都俾我想像中好。希望下次黎订食 Brunch唔好再冇位……因为我真系好想食丫😁😁
张贴
