Nunu燒 (已結業)

是晚来到中环的Nunu烧，唔好畀门口好细门面误导，其实系内有干坤，入边仲有几个小区域，几有私隐度，如果情人节或平时都唔想有人骚扰，而想静静哋食餐饭，呢度都不失为一个好选择。有纸板餐牌睇，但点菜都系当前做法，扫QR codr落单，因选择都唔少，所以都用咗D时间先搞掂，总之唔好心急就ok 。嗌咗三文鱼带子丼，今日有D肚饿，选择咗多饭，如果细食仲可以选择少饭，保证不会浪费食物，三文鱼和带子都新鲜好味，份量都多，有6片三文鱼和4粒带子。广岛吉列蚝同忌廉蟹肉薯饼个表皮真系好香脆，而蚝亦鲜甜，薯饼内蟹肉唔算多，但个口感好柔软，亦系上上之选。喜之次一夜干，有深海鱼王之称，外皮烧到微焦，锁住鱼汁，而内里鱼肉雪白，鲜嫩，喺疫症之时吃餐好嘢，感恩。