和拉麵

营业中

休息中

喺大埔返学，最重要嘅就系识揾食，放咗学之后，就同几个朋友落去大埔，我哋最钟意食嘅拉面。喺大埔旧墟，总系会隐藏左好多唔同特色嘅餐厅，不知不觉间，会发现一啲意想不到新嘅餐厅。好好彩地，今次我哋发掘左一间拉面舖，位于大埔墟火车站附近既和拉面。餐厅门口用传统嘅日式风格。入面点餐用点餐纸，入面有三种拉面可以比我地拣，分别系豚骨原味拉面，辛辣拉面，同埋味噌拉面。无辣不欢嘅我，好不犹豫咁样叫咗碗中辣嘅辛辣拉面，味道真系好香，面质弹牙，唔算好辣，但会令人一食再食。只小食方面，我哋叫咗芝麻鸡翼，食落去有惊喜，鸡翼炸得金黄松脆，一咬落去鸡肉嘅肉质非常滑嫩，即是放左一阵，仍然保持着好高的温度，如果食拉面唔够饱嘅话，配想上呢个鸡翼，真系会大满足！总括来讲，地点方面，餐厅离火车站都好近，由大埔墟火车站行3分钟就到，超级方便，而且收费方面唔收＋1 ，非常值得，如果经过大埔旧墟，又唔知食咩嘅话，呢间都会系一个唔错嘅选择，值得一试！