饗和民 (萬宜大廈)

营业中

休息中

我屋企人好钟意和民，一个月可能食三至四次。最近听朋友讲飨和民系和民高级版，今日带左女友试试，谂住好食既话再请屋企人。装潢同一般和民大同小异，不过面积大啲。Sake喺日本餐厅当然系不可或缺，飨和民既日本酒选择都几高质。食物选择超多，令人目不暇给，有选择恐惧症嘅我最后交俾女友发办。和牛炙烧寿司真系不得了。和牛切到好薄但好大片，完完全全覆盖寿司饭。和牛炙烧后油脂更丰盛，入口即化。一件和牛寿司平均$37一件，对我而言系物超所值。炙烧珍宝鸡腿既外皮非常脆，更难得系肉质超嫩，肉汁丰富。微辣既酱汁同鸡腿系绝配。蒲烧鳗鱼寿司卷叫左半份，鳗鱼同寿司饭嘅比例1:1，鳗鱼烧得焦香。免治鸡肉棒加左软骨在内令层次感更丰富，不过略嫌唔够咸，而且肉质太松软。和牛寿喜烧锅几正宗，牛肉吸收汤底精华后更甘甜，蘸上日本生蛋汁后更嫩滑，如果汤底再浓味啲就好。总括而言，虽然飨和民系和民升级版，但价钱唔系差太远，和牛炙烧寿司亦令我难以忘怀，所以以后都系去飨和民！