野川拉麵 (已結業)

元朗b仔附近开咗好多间新嘢，今日经过呢间拉面，见到里面都几多人㖞。细细间舖头 ，有拉面有串烧有小食， 咁啱仲有位， 好啦，就入去试下啦~见到出面个牌，有唔同款嘅啤酒，饮品第二杯做半价优惠，下次可以同朋友黎happy hour下~我哋叫咗两款拉面同埋三个小食~先讲拉面先， 汁烧极上和牛拉面，配芝士汤底 - 和牛好淋食落唔会有渣， 但又唔会觉得太油腻嘅感觉，芝士汤底浓得嚟唔会太杰，亦都唔会太滞，味道啱啱好~ 拉面软硬度适中 ~自家制叉烧拉面 - 有五块叉烧咁多，虽然薄薄地，但系系我见过咁多拉面之中最多，大细适中份量都好够。猪骨汤底味道几好，都算几浓， 净食个面都已经饱饱哋证明分量都好足够。蛋能够做到温泉蛋效果，good!烧安格斯牛肉 - 牛肉软熟多汁，食落唔un, 烧汁配合得唔错 ，当然有和牛比就和牛正啲啦~                        烧帆立贝 - 一串有四粒， 配埋啲日式烧汁酱好惹味， 带子食落几爽口，唔会有腥味，应该几新鲜，烧得岩岩好，唔会㶶~                    烧鲭鱼烧得非常好，上枱嘅时候热辣辣，皮脆内软又多汁， 呢个真系烧得好!