牛扒先生 (青衣城1)

营业中

休息中

之前见买一送一个和牛套餐，都几吸引。$498买一送一，有2个主菜，可以自助沙律吧及甜品吧，仲有餐汤。不过会用原价加一，埋单$598 ，服务都几好，会勤收碟同加水。日本和牛威灵顿好香好酥脆，层层酥皮包著和牛，有ham咸香，菇嘅香，最好味系和牛入口即化，好香好重牛味，牛脂丰富，满口油香，食完有d腻，5成熟，多肉汁又嫩腍日本和牛味噌烧和牛比较有咬口，肉纹油花都靓，越咬越出牛味同油香，烧玉子甜甜地，有日式风味。蕃茄本菇意大利饭好好味，蕃茄味突出，意大利饭有咬口，西日fusion 好味自助沙律吧有10多款，最好味系杂果沙律，泰式鱿鱼都爽弹，但唔够辣。通粉沙律及薯仔沙律好味，但好快腻。肠仔沙律都好多料南瓜汤睇落好似好淡好水，但原来都creamy有南瓜香，味道仲好好松饼 难食，干硬，无牛油香，仲惨过食干面包，又太饱腻自助甜品吧最正系朱古力挞，味道浓郁，入口细滑，甜而不腻，食左两件。朱古力布朗尼松化，几浓朱古力味，又唔太甜，都赞。豆腐花，虽然冻食，但都好重豆味，正。