佐賀燒肉谷 (希慎廣場)

营业中

休息中

呢间烧肉店已经有几间分店，今日朋友就喺铜锣湾订左位。有好多饮品可以选择，我最中意饮韩国乳酸饮品。白鳝肉质弹牙，日本生蚝肥美，鲍鱼肉质爽口，海鲜全部都好新鲜。牛肉拼盘和牛款式多，牛肉眼芯，特上牛肋肉，牛胸腹肉，牛舌，骨付牛肋，牛小排，全部都肉味浓郁，油脂丰富，加上日本生鸡蛋更加香滑。原条鱿鱼筒超级大只，肉质爽口弹牙，口感一啲都唔会好韧。吉列炸虾炸到香脆可口，肉质爽甜。烟三文鱼柚子冷豆腐烟三文鱼口感幼滑，柚子酸甜开胃，豆腐充满豆香味道。呢到有雪糕机可以食雪糕做饭后甜品，朱古力味道雪糕浓郁，柚子味酸酸甜甜。