牛角日本燒肉專門店 (Mikiki)

营业中

休息中

今日母亲节，黎到Mikiki食牛角，叫咗个放题Set C。平时都食开Set B ，好少食到有海鲜同和牛咁，所以今日就一于集中叫啲Set C先有嘅嘢。首先系牛，有安格斯和牛、安格斯一口牛，同埋和牛赤身。啲牛的确比之前set B既好，唔会太韧，多啲脂肪，香口啲。三款嚟讲一口牛比较难熟，亦都会有筋，但整体都真系好食过之前啲牛。前菜试咗牛角明太子沙律，好好食，啲沙律加咗啲醋，再配埋明太子𠮶种咸咸地，想食完又食，佢仲会有少少薯仔喺面，最后encore左一碗。海鲜方面有虾，广岛蚝，同埋带子。啲虾腌咗啲盐，烧完之后，有啲咸香，再加㶶㶶哋几好食。带子加左牛油一齐烧，都唔错，不过最后𠮶啲唔知点解好咸。最正系广岛蚝，佢加左牛油连埋个锡纸一齐烧，啲壕都几大只，几有鲜味又有汁，最后应该每人食咗八九只。最后食完仲会有一人一杯Movenpick 雪糕，不过可惜得云呢拿同士多啤梨两只口味，冇得任食。我哋有会员卡，埋单每人$448。