一輪 (一門町市場)

大约排队30分钟就可以入座，店内有2个大圆形的吧枱，系可以一边睇烧熟和牛汉堡过程，一边享受美食，而且抽烟做得好，食完个身无咩味。餐牌有3个价钱，分别$88，98，118。原味配香辣蕃茄汁各一件就$88。两款口味各一就$98。原味加两款味各一就$118。和牛汉堡好多肉汁，牛味浓郁，烧得香口，唔太腻。香辣蕃茄汁和牛汉堡酱汁唔辣，个味系意粉酱味，麻麻地。幸好有温泉蛋配牛肉同饭，超夹。温泉蛋汁与和牛牛肉油脂混合，非常正。芝士汁和牛汉堡 车打芝士汁加即场刨芝士碎，视觉很好。芝士汁好浓郁，与和牛汉堡肉味夹，又唔会盖过牛味，唔会好腻。中华沙律同螺肉，口感爽爽地，味道正常。饭同肉一齐上菜，系细心。可以再做好d，因为个汤冻哂好浪费，饭可任添。味噌汤一早就上菜，等10分钟才上饭同肉，个汤要早d饮，唔系冻哂劲难饮。