Macaroni Dessert Bar (已結業)

今日系何田文交收完，顺路去附近食下野。哩间餐厅离地铁站不远，交通好方便。哩到每款main course加60蚊就可以转set dinner，包沙律🥗、餐汤同甜品。比起单点划算得多，当然要试下。先黎既系烟三文鱼凯撒沙律🥗。前菜沙律份量都几多，蔬菜同三文鱼都好新鲜。栗米茸忌廉汤质感好绵，汤质结结地。超香栗米味，甜甜地，唔错。黑松露芝士法包烘到脆卜卜，涂系法包上既芝士都好厚，啖啖黑松露同芝士味👍🏼。和牛汉堡好大个，虽然和牛唔算厚，但胜左牛味香浓，中间仲夹住蕃茄、洋葱、生菜，同汉堡甚少见既煎蛋，估唔到夹埋一齐食，可以咁夹咁好味。面包新鲜烘到好脆。薯条脆而不油，食到底牛油纸上都冇油渍。是日甜品系朱古力芝士蛋糕🍰。蛋糕卖相都好吸引。朱古力苦苦地，又甜甜地，食落有阵回甘味，唔会太溜。