肉浦團火鍋放題

营业中

休息中

放假同朋友去咗旺角行街，行完街顺便喺附近揾啲嘢食，见天气有啲冻谂住去食火锅，朋友带咗我去一间火锅放题食物质素好好。肉蒲团火锅放题，餐厅位置喺通菜街1A威达商业大厦2楼。餐厅地方阔落.空间感足够， 自助区嘅食物每一种类都存放得好好，感觉好干净整齐，自助区有火锅配料.蔬菜.即食面出前一丁.辛辣面，仲有啲即食嘅小食.例如炸鱼皮，薯条，麦乐鸡，炸烧卖。饮品都系自助形式.有啤酒，汽水，茶，纸包饮品，大概有十几种选择。Set C 无限时任食368元肉类有.和牛肩胛肉眼，和牛胸片，和牛后腿肉，和牛肩胛，安格斯牛板腱，安格斯牛背峰，牛骨髓，封门牛柳，牛五花腩。我就最钟意食和牛肩胛肉眼，肉眼嘅肉质比较嫩 牛肉味香浓，有入口即溶嘅感觉，加上油脂分布均匀令到牛肉味更香浓。五花腩同猪梅肉都系我嘅至爱，猪梅肉肉质嫩滑入口比较多油花味道更加香口。海鲜我就钟意食广岛蚝同越南虎虾，广岛蚝味道鲜甜，肉质爽口。越南虎虾size都算大只，一食就知好新鲜，虾肉爽口弹牙。仲有六款汤底选择，性价比高，食材新鲜。