影片
更多
2022-06-07
1117 浏览
同朋友食生日饭🎂，佢系食肉兽一名，所以专登拣咗同佢食日式烧肉。我哋帮衬咗喺铜锣湾新开张嘅「万丸烧肉」，上网睇介绍好似唔错。我哋订咗枱，一去到店员就有资料并安排入座。佢哋服务态度专业有礼👍，主动关心客人需要。同时，餐厅环境舒服，木系装潢带比人清雅嘅感觉🌿。烧肉选项繁多，有单点肉类以及一人前套餐，两者各有优点，不过散叫弹性就大啲😝。香蒜蕃茄沙律($68)，🥗沙律大大碟，有好多鲜蕃茄肉🍅，整体味道偏浓郁，带蒜头同胡椒香，作为前菜都几开胃！餐厅有和牛出售🥩，定价唔平，令人期待。市面上有好多舖头声称系卖「和牛」，但唔通个个都卖真和牛咩🤣。富良野和牛绝对系正货、真材实料，油脂分布均匀，完全达到入口即溶嘅效果。我哋要咗和牛三角腩($228/4切)同和牛背峰($168/4切)，两款都好正。三角腩牛肉味强啲🐮，而背峰油份超重，邪恶到不得了。鹿儿岛豚梅头($88)，🐷豚肉一客有四件，佢同和牛相反，每件均系厚切，所以食嘅系口感。梅头无臭猪味，肉质亦唔韧，唔错呢。日本旋风豚肉肠($98)，🌭啤酒配香肠拼盘就食得多，但拎嚟烧都系第一次，估唔到都几好味。旋风肠好大饼，皮脆肉香爆汁，食唔停口。葱烧炭火鸡腿肉($98
同朋友食生日饭🎂，佢系食肉兽一名，所以专登拣咗同佢食日式烧肉。我哋帮衬咗喺铜锣湾新开张嘅「万丸烧肉」，上网睇介绍好似唔错。
我哋订咗枱，一去到店员就有资料并安排入座。佢哋服务态度专业有礼👍，主动关心客人需要。同时，餐厅环境舒服，木系装潢带比人清雅嘅感觉🌿。
烧肉选项繁多，有单点肉类以及一人前套餐，两者各有优点，不过散叫弹性就大啲😝。
香蒜蕃茄沙律($68)，🥗沙律大大碟，有好多鲜蕃茄肉🍅，整体味道偏浓郁，带蒜头同胡椒香，作为前菜都几开胃！
和牛三角腩
$228
17 浏览
0 赞好
0 留言
餐厅有和牛出售🥩，定价唔平，令人期待。市面上有好多舖头声称系卖「和牛」，但唔通个个都卖真和牛咩🤣。富良野和牛绝对系正货、真材实料，油脂分布均匀，完全达到入口即溶嘅效果。我哋要咗和牛三角腩($228/4切)同和牛背峰($168/4切)，两款都好正。三角腩牛肉味强啲🐮，而背峰油份超重，邪恶到不得了。
鹿儿岛豚梅头($88)，🐷豚肉一客有四件，佢同和牛相反，每件均系厚切，所以食嘅系口感。梅头无臭猪味，肉质亦唔韧，唔错呢。
日本旋风豚肉肠
$98
11 浏览
0 赞好
0 留言
葱烧炭火鸡腿肉
$98
14 浏览
0 赞好
0 留言
锦爽手羽先($78/2入)，🍗烧鸡翼我钟意食～，鸡肉系来自日本爱知县农场嘅走地鸡。鸡翼皮烧得香脆，但如果调味配上蜜糖烧就完美。
题外话，呢度嘅烧烤炉好掂🔥，火候均匀，啲火唔会集中埋一边，所以啲肉烧得超靓。
梅子茶渍饭($58)，🍚茶渍饭有啲似汤饭，茶渍汤偏清淡，主要靠粒梅子吊味，都几得意。
温泉蛋紫菜饭
$58
25 浏览
0 赞好
0 留言
饮品方面🥤，我哋要咗白桃梳打($38)同青柠梳打($36)，梳打大大杯，冰凉解渴，味道亦难得地唔止得糖浆嘅人工甜味，青柠味尤其清新。
最后，店员为我哋送上小甜品，🍡蕨饼口感烟韧，黄豆粉同抹茶口味一样咁好食，又唔太甜。
总括嚟讲，万丸系一间有水准嘅烧肉店，食材有质素，所以唔需要用上浓烈嘅酱汁腌制，以保留肉嘅原汁原味，佢啲和牛真系令人垂涎三尺🤤。
张贴
