牛舞日本燒肉‧涮涮鍋放題 (1亞太中心) (已結業)

放题出名品质参差不齐，不过有朋友话呢间食过好好，既然有口碑就放心喇😌呢间牛舞烧肉放题入座时间有足足2个钟，有138种食物可以仼点，无限任食日本萨摩和牛🥰唔怪得朋友话正，萨摩和牛拼盘嘅霜降好靓好新鲜，终于试到入口溶化果种感觉🥹仲要系任食，成件事好癫😂和牛就叫得最多，萨摩牛肋肉、牛赤肉等等。每种部位都有唔同风味，有弹牙、有嫩滑、有牛味香浓，好正🤤🤤和牛以外，其他肉类如烧肉汁羊肉片，鸡脾肉都非常出色。留返半个肚，仲要食涮涮锅同其他熟食（都系任叫任食😂）。汤底多款免费任拣，豆腐味噌汤清甜健康，都有萨摩和牛，轻轻一渌，同烧肉又系唔同风格，一样食到完整的高质和牛味。仲有熟食都有惊喜😃烧吞拿鱼沙律嘅吞拿鱼半生半熟好吸晴，质感好软好嫩滑。海鲜甲罗烧同矶煮鲍鱼份量超大，味道一样鲜甜。饮品同酒精都系任饮🍻真系平靓正，好抵食。