阿久根和牛立燒店 (已結業)

叫左一个定食同一个牛涮锅。🍲牛涮锅：汤底系寿喜烧，唔太咸。先试三角肋肉，充满油花嘅和牛，咬落充满油香，好滑丫。跟住试牛胸腹肉，唔知系咪滚耐左，好韧好实。之后再滚短啲时间，好啲，但都系实净，比较有牛味。好啦，到肉眼A5，正丫，食落冇咁油，软淋淋。冇谂到单点嘅黑豚西冷有惊喜，黑豚肉味浓，一点不会被牛和比下去，反而更爱黑豚肉，冇和牛咁油。🥩极尚和牛定食：西冷A4，较有牛味，肉质相对实净啲，烧肉嘅油脂好香，油香沾饭好食。到肉眼A4，烧同滚明显不同，烧嘅肉香味更出，但入口相对油啲，都系入口即溶。牛舌烧左比较耐先食，还好唔太韧。最特别系鸡心，谂住试一啖就算，因为怕果啲怪味，结果有惊喜，食落又唔错㖞。生菜免费，唔够可以再点。肉系比较精致，唔大块，量唔多，细胃朋友啱食。牛和就系食油花油脂，入口即溶。