牛匠石燒 (已結業)

身边有个食肉兽，成日都会想食牛肉嘅人，呢一间就真系唔好错过。佢呢间日式烧肉餐厅，主打系和牛石烧，座位都算多，而且若果你好彩嘅话都可以坐喺卡位度，位置比较宽阔，而且装修都好有具有日本嘅烧肉风格。咁食物方面我就叫咗佢哋嘅石烧A4和牛肉眼定食、柚子将豚肉combo定食，另外我再叫咗一份盐烧粟米。你见到佢哋和牛色泽都非常之靓，雪花都好分明，而且食落都好多肉汁同好滑嫩，烧𠮶阵时你都唔需要特登落油，牛肉嘅脂肪都会自己出油。另外，佢哋豚肉Cambo，当中包括左薄切豚肉、同埋豚肉粒，食落非常之有猪肉味，而且一次过满足晒两个愿望，薄薄咁食一片或者成粒放落口度都可以，再配合埋佢哋嘅烧肉汁或者柚子汁，调高左佢哋肉质嘅味道。而每一份定食都会包括左有前菜白饭同味噌汤。最后佢哋盐烧烧粟米都非常之特别，食落好香脆，又唔会炸得好干，大家都可以叫你试一试！咁佢哋嘅定食套餐都配左热茶、奶茶或者咖啡。或者你可以加$10转做佢哋嘅特饮，咁嘢饮方面就叫咗佢哋嘅四季春。