香港賽馬會跑馬地會所-幸運閣

营业中

休息中

马会会员于生日月份内可以喺会所餐厅度享用折扣优惠，优惠限制用餐人数最少要有四个，减率则由总人数而定，次数则无限。大肥爸爸做咗会员多年，对会所提供o既餐饮服务一直都系弹多过赞，自从上个月喺沙田马会食过一顿惊喜地满意o既中菜后，今年终于决定一用生日优惠，一家四口上个礼拜就走咗去跑马地会所间「幸运阁」度食晚饭。 「幸运阁」属高级中菜厅，食客必需遵守衣著限制，穿著牛仔裤、T恤、运动套装、背心等均不得内进。装潢高雅洁亮o既餐室楼底虽然高，餐桌亦分隔得几开，可惜喺未满o既情况下声浪却颇为嘈吵 。服务生态度良好，无奈人手极度不足，送上餐牌、热毛巾、小食、及酱油后要等好耐先有人得闲帮忙落单 。开咗茶先发现餐牌上原来列出各种名茶不同之收费 。正当大家估计茶品将会续壶计，埋单一刻先明白自己所叫o既为普通茗茶，每位$18。一人份量o既厨师精选菜单「Tasting Menu」喺高级及星级西餐厅就见得多，食中餐见到都可算系细佬o既第一次，莫非系为车胎评审员而设 ？！寿星公乃一家之主，当晚叫𩠌同找数亦全权交由佢一人负责 。 麒麟乳猪素千层（$188）：小食将乳猪皮夹埋火腿片及炸腐皮造成咸点三文治。