椰粉湯紅 (已結業)

虽然知道呢间餐厅系主打饮汤嘅，但一个人买外卖食唔到咁多野，净系饮汤又好似唔够饱，所以就决定叫个和牛椰香蛋包饭，再跟餐配一个菜心。饭同汤都有好多选择，饭同汤都加入左椰子！一打开个盒见到个卖相好有惊喜，因为个蛋白饭唔系我想像中平时见开嘅椭圆形一旧，而系好似软雪糕嘅旋涡咁样，望落个卖相已经觉得佢嘅质感系好顺滑！蛋包饭里面嘅饭虽然只系普通嘅白饭，但由于个蛋好柔软顺滑，蛋香味浓，再淋上鲜甜嘅椰浆，食嘅时候并唔会觉得清寡，而烧香嘅和牛粒亦非常可口，仲保留左和牛嘅软嫩，有入口即溶嘅感觉，非常高质！估唔到呢间主打炖汤嘅餐厅主食质素都好好，下次就来买呢度嘅炖汤试下！