影片
更多
2024-03-15
226 浏览
今日放假同朋友嚟兰桂坊呢间日式餐厅食semi-buffet ，楼底高好通风，地方好大，座位宽敞好舒适，用上木系装修同日式和纸充满日式风味～ 呢个半自助放题喺星期六日下午限定，$588/位，每人可以选择一款主菜，鳕场蟹脚同A4 宫崎和牛菜式、日式前菜、刺身、卷物、天妇罗、烧物… 全部都系无限供应㗎，仲有期间限定嘅关东煮～ 北海道鳕场蟹脚：厨师好细心剪开晒啲壳，食落啖啖肉，味道鲜甜，充满海水味，真系会不停encore～ 烤A4 宫崎和牛配柚子汁： 和牛油花丰富，肉质爽口，配上柚子汁清新开胃。仲有烟熏鸭胸配创味盐汁、烧汁冷茄子、蟹籽青瓜沙律、田园沙律、日式泡菜同枝豆等等前菜～关东煮：味道正宗，暖笠笠，有大根、鸡蛋、竹轮等等…刺身：刺身有好多款，包括油甘鱼、三文鱼、带子、象拔蚌同八爪鱼，全部都好新鲜。油甘鱼系现场原条即切，鱼油香味重，纹路层次清晰，完全冇渣；带子鲜甜；三文鱼厚身肥美；象拔蚌爽脆清甜寿司卷物包括：A4 宫崎和牛寿喜烧卷、鳗鱼牛油果卷、FUMI 素菜卷同杂锦辛香刺身太卷，每样精致小巧，配搭创新～ 炸物有日式芝士年糕、鸡皮饺子同天妇罗海虾、南瓜、秋葵，天妇罗炸得香脆，芝士年糕烟烟韧韧
呢个半自助放题喺星期六日下午限定，$588/位，每人可以选择一款主菜，鳕场蟹脚同A4 宫崎和牛菜式、日式前菜、刺身、卷物、天妇罗、烧物… 全部都系无限供应㗎，仲有期间限定嘅关东煮～
北海道鳕场蟹脚：
厨师好细心剪开晒啲壳，食落啖啖肉，味道鲜甜，充满海水味，真系会不停encore～
烤A4 宫崎和牛配柚子汁：
和牛油花丰富，肉质爽口，配上柚子汁清新开胃。仲有烟熏鸭胸配创味盐汁、烧汁冷茄子、蟹籽青瓜沙律、田园沙律、日式泡菜同枝豆等等前菜～
关东煮：味道正宗，暖笠笠，有大根、鸡蛋、竹轮等等…
刺身：
刺身有好多款，包括油甘鱼、三文鱼、带子、象拔蚌同八爪鱼，全部都好新鲜。油甘鱼系现场原条即切，鱼油香味重，纹路层次清晰，完全冇渣；带子鲜甜；三文鱼厚身肥美；象拔蚌爽脆清甜
寿司卷物包括：A4 宫崎和牛寿喜烧卷、鳗鱼牛油果卷、FUMI 素菜卷同杂锦辛香刺身太卷，每样精致小巧，配搭创新～
炸物有日式芝士年糕、鸡皮饺子同天妇罗海虾、南瓜、秋葵，天妇罗炸得香脆，芝士年糕烟烟韧韧，里面嘅芝士流心甜中带咸～
烧物包括盐烧宫崎鸡翼、宫崎特产黑豚香肠、牛油烧粟米同鲜冬菇，鸡翼烧得好香，外脆内嫩～
蟹粉茶碗蒸：
好滑lulu，蛋味香浓，加入蟹粉非常鲜味，暖胃滋味
A4 宫崎牛寿喜烧小锅：
A4 宫崎牛大大块，口感软嫩，油脂平均分布，非常浓厚牛味同油脂香～ 寿喜烧汤底浓郁，少少甜又唔会太甜，豆腐吸收左寿喜烧汤底非常入味～
精选手握寿司拼盘：
四件寿司包括鲜吞拿鱼、火炙左口鱼边、秋刀鱼、鲷鱼～ 吞拿鱼色泽鲜嫩，入口甘甜鲜味，肉质嫩滑～ 火炙左口鱼入口先食到火炙嘅焦香味，咬落去口感爽口，咀嚼后甘甜鱼油渗出，浓郁甘香又肥美，入口即溶～
甜品盘：
上碟充满仪式感，加咗干冰腾云驾雾，有Häagen-Dazs雪糕、士多啤梨、哈密瓜、哈密瓜糯米糍同蕨饼～ 雪糕香甜香滑，配上烟烟韧韧嘅糯米糍同埋蕨饼，再加上清新嘅生果配搭完美～
餐厅仲有提供日本清酒、梅酒、啤酒、Cocktail同Mocktail都好丰富，我哋试咗Fuji Honey同Mango Fizz两款Mocktail ~ Fuji Honey 加入荔枝同菊花茶，味道清新香甜；Mango Fizz有芒果蓉、菠萝汁、橙汁，味道酸甜开胃，充满热带风情，两款饮品层次分明，都非常打卡～
总括而言，以半自助餐定位嚟讲，食物质素高质，菜式选择丰富；服务细心体贴，装热食嘅碟都系热嘅，职员借好主动介绍菜式、添菜同收拾枱面；环境舒适宽敞，值得一试！
张贴
