影片
更多
2016-05-09
673 浏览
母亲节前夕，揾间靓野同妈咪叹茶先。呢间陶源酒家位于iSQUARE 24楼，睇晒维港靓景，绝唔失礼。打开点心纸，都几多特色点心：「安格斯牛柳天鹅酥」($40/2件)，一上枱，天鹅造型已经赢晒，氹得阿妈好开心！酥皮做得松化，一戳即刻散开，入面系惹味牛柳，有浓浓既酱汁，牛柳够腍，好食。一不离二，再黎靓牛柳。从来食肠粉都系白色皮既，呢个「乌贼特级牛柳肠粉」($39)就黑mi mung，好特别。肠粉皮用墨汁搓过，但基本上无特别既味道，皮做得软绵，好得；入面系用洋葱炒过既牛柳，香口，牛柳好腍有肉味，值得推介。生煎包大家食得多，但入面多数系菜肉，呢度既「松露鹅肝酱煎包」($30) 竟然仲有松露同鹅肝！咬开细心睇，会见到有一粒鹅肝，几香；松露味唔算太抢，唔会抢走鹅肝既味道；面包皮除左个底煎脆左，顶部仲有一块脆片，令到成个包咬落去都好脆，美味。食左几样点心都浓味，黎个「健康藜麦野菌素饺」(中点) 中和番。素饺包成三角形，外面洒上藜麦，入面系红萝卜、豆角、杂菌等等，虽然系素，但味道唔寡，好味。我翻查资料，原来藜麦低钠、低脂、低升糖值、低热量，近年被推为超级食物，有「营」氏必食。点左咁多潮野，叫番个传统「鲍
呢间陶源酒家位于iSQUARE 24楼，睇晒维港靓景，绝唔失礼。打开点心纸，都几多特色点心：
「安格斯牛柳天鹅酥」($40/2件)，一上枱，天鹅造型已经赢晒，氹得阿妈好开心！酥皮做得松化，一戳即刻散开，入面系惹味牛柳，有浓浓既酱汁，牛柳够腍，好食。
一不离二，再黎靓牛柳。从来食肠粉都系白色皮既，呢个「乌贼特级牛柳肠粉」($39)就黑mi mung，好特别。肠粉皮用墨汁搓过，但基本上无特别既味道，皮做得软绵，好得；入面系用洋葱炒过既牛柳，香口，牛柳好腍有肉味，值得推介。
生煎包大家食得多，但入面多数系菜肉，呢度既「松露鹅肝酱煎包」($30) 竟然仲有松露同鹅肝！咬开细心睇，会见到有一粒鹅肝，几香；松露味唔算太抢，唔会抢走鹅肝既味道；面包皮除左个底煎脆左，顶部仲有一块脆片，令到成个包咬落去都好脆，美味。
食左几样点心都浓味，黎个「健康藜麦野菌素饺」(中点) 中和番。素饺包成三角形，外面洒上藜麦，入面系红萝卜、豆角、杂菌等等，虽然系素，但味道唔寡，好味。我翻查资料，原来藜麦低钠、低脂、低升糖值、低热量，近年被推为超级食物，有「营」氏必食。
点左咁多潮野，叫番个传统「鲍汁鸡脚」俾妈咪。阿姐送黎时，话最后一碟啦，可想而知呢一味好受食客欢迎，想食唔好太迟叫。一食，果然唔错，无论鸡脚同花生，都炆到好腍好入味，影相夹得耐都会化开，简直系化骨绵掌！
最后叫多个甜品，「冰花葛仙米伴360奶冻」($29)。葛仙米又叫水木耳，佢既味道同质感都似木耳，只系细块少少；糖水底系红枣味，清清淡淡我好buy；至于奶冻，睇名就知系用北海道360牛乳做，有奶香，够滑，而且鲤鱼造型够精致，喜欢奶食品既朋友唔好错过。
张贴
