影片
更多
2012-08-03
5641 浏览
上星期去过一次，以为差劣情形只是偶然发生，昨天(8月2日) 再去试一次，依然同样差劣：.服务员：OK - -- 全个餐厅大堂只得3个侍应 + 1个知客（兼埋单及收银 ）。各人都做到踢晒脚， 但都能快手快脚， 态度虽乏笑容， 难得亦无黑口黑面!.食物：嘛嘛哋OK --- 个别食物如三文鱼，甜虾刺身及天妇罗虾都OK; 但金菇牛肉卷好鞋，烧海虾及蚝不新鲜，粥又不热, 仲有………好多都嘛嘛哋。.但最令人气愤的是厨房部的工作态度， 用料差不特止， 最不专业是乱cut 顾客order! 可能又是人手唔够做唔切，但都不应随意cut单，钟意就出，唔钟意就唔出， 客人不知就里， 在出面呆等! 我2 人落咗order 要6只天妇罗虾， 15分钟不来， 再落order，又15分钟不来，笫3次落order 我同侍应讲话之前两次order冇嚟到， 叫佢同我跟紧呢张笫3张单， 但个侍应都冇啲反应! 结果又等左10分钟都冇嚟， 真系火都嚟埋，叫个侍应入厨房check吓张单， 点知唔够两分钟，个侍应居然攞出嚟一小碟得两只天妇罗虾，我即刻捉住佢话我order 6只㖞， 佢竟然话系照人头计嘅 (咁即系1人1只嘅意思
.
服务员：OK - -- 全个餐厅大堂只得3个侍应 + 1个知客（兼埋单及收银 ）。各人都做到踢晒脚， 但都能快手快脚， 态度虽乏笑容， 难得亦无黑口黑面!
.
食物：嘛嘛哋OK --- 个别食物如三文鱼，甜虾刺身及天妇罗虾都OK; 但金菇牛肉卷好鞋，烧海虾及蚝不新鲜，粥又不热, 仲有………好多都嘛嘛哋。
.
但最令人气愤的是厨房部的工作态度， 用料差不特止， 最不专业是乱cut 顾客order! 可能又是人手唔够做唔切，但都不应随意cut单，钟意就出，唔钟意就唔出， 客人不知就里， 在出面呆等! 我2 人落咗order 要6只天妇罗虾， 15分钟不来， 再落order，又15分钟不来，笫3次落order 我同侍应讲话之前两次order冇嚟到， 叫佢同我跟紧呢张笫3张单， 但个侍应都冇啲反应! 结果又等左10分钟都冇嚟， 真系火都嚟埋，叫个侍应入厨房check吓张单， 点知唔够两分钟，个侍应居然攞出嚟一小碟得两只天妇罗虾，我即刻捉住佢话我order 6只㖞， 佢竟然话系照人头计嘅 (咁即系1人1只嘅意思)，咁都得!
当堂更加火起，叫佢揾个经理或高级的嘅嚟同我讲，结果佢就叫咗个知客小姐嚟(可能佢就系成间餐厅最高级𠮶个) ， 我话两个人order 6只天妇罗虾都唔算多啫， 最怕我乱叫太多又唔食浪费你哋啲食物啫，事实并非如此，我落咗3次单又等咗大半个钟头，三催四请，居然只配给两大只，问佢系乜嘢道理?
个知客小姐当然冇得答，只有唯唯诺诺，问我要几多只佢即刻帮我攞; 我话唔想落单再等， 叫佢要10只食完就走，结果不消5分钟个知客小姐就捧来了10只，一肚气的吃罢即走!
.
总结 : 打开门口做”任食”，但厨房出品部就随意cut单，不合理减量，甚至唔出俾客人；未知是否真的是厨房部的工作态度差不专业， 抑或本身是公司的主意? 假若是前者，公司的招牌给你做衰，公司玩完的话你也冇得捞啫! 唔知佢识唔识谂 !
不过很不明白，难道公司管理层真的不知道，他们都是隐世之仕，从不关注有关公司的食评? 细看下面近期的几篇食评，大都是毁多于赞， 若管理层或老板依然不针对厨房出品部的劣习作出改善，情况继续，而客人都再不回头光顾，则可以预见其一定离走上末路之途不远!
张贴