影片
更多
2024-07-10
687 浏览
个人好钟意食牛肉饼同胡椒汤，上网揾到呢间就专程去试下。洋葱牛肉手功馅饼 $33个酥皮真心香脆松化，里面包咗牛展粒同洋葱。佢唔系灌汤多汁果种，相反，佢真系纯粹里面有饀，但一d 都唔油，牛肉粒系淋同好食。至于洋葱，无特别整到淋晒，直情一粒粒近乎生食，反而有好香嘅洋葱味同乸乸地嘅感觉。酥皮、牛展同洋葱味道系分开嘅，唔系话味道互相融入其中。但，成个饼又做到三者和而不同咁，夹埋又好食㖞。手撕鸡凉面 （小辣） $53拣呢碟原因系因为隔离食客。坐隔离已经闻到酱汁嘅香味，望落同闻落觉得好惹味。一上台，劲大碟。一路捞，一路闻到好香。呢碟拣咗幼面，面条好有咬口，偏硬，虽然唔系弹牙，但好食嘅。小辣唔算辣，个人觉得啱啱好。至于鸡，唔系特别有鸡味，不过我接受手撕鸡系咁。喺咁热嘅天气食完惹味嘅凉面，系开心嘅。鲜牛肉手工面 （胡辣，小辣）$52一上枱饮啖汤先，话晒专程嚟食胡辣汤底，个人觉得唔算重胡辣味。因为我钟意要食到流鼻水，咁先有驱寒感觉。至于鲜牛肉，唔错，唔会渌到好老，算嫩。题外话，间餐厅系sell 自家制面，无添加剂同碱水嘅。不过，食完都几口渴，味精应该唔少。
洋葱牛肉手功馅饼 $33
个酥皮真心香脆松化，里面包咗牛展粒同洋葱。佢唔系灌汤多汁果种，相反，佢真系纯粹里面有饀，但一d 都唔油，牛肉粒系淋同好食。至于洋葱，无特别整到淋晒，直情一粒粒近乎生食，反而有好香嘅洋葱味同乸乸地嘅感觉。酥皮、牛展同洋葱味道系分开嘅，唔系话味道互相融入其中。但，成个饼又做到三者和而不同咁，夹埋又好食㖞。
手撕鸡凉面 （小辣） $53
拣呢碟原因系因为隔离食客。坐隔离已经闻到酱汁嘅香味，望落同闻落觉得好惹味。一上台，劲大碟。一路捞，一路闻到好香。呢碟拣咗幼面，面条好有咬口，偏硬，虽然唔系弹牙，但好食嘅。小辣唔算辣，个人觉得啱啱好。至于鸡，唔系特别有鸡味，不过我接受手撕鸡系咁。喺咁热嘅天气食完惹味嘅凉面，系开心嘅。
鲜牛肉手工面 （胡辣，小辣）$52
一上枱饮啖汤先，话晒专程嚟食胡辣汤底，个人觉得唔算重胡辣味。因为我钟意要食到流鼻水，咁先有驱寒感觉。至于鲜牛肉，唔错，唔会渌到好老，算嫩。
题外话，间餐厅系sell 自家制面，无添加剂同碱水嘅。不过，食完都几口渴，味精应该唔少。
张贴
