譚仔雲南米線 (已結業)

不知不觉回归咗21年。社会有无进步? 唔多觉。有无和谐到? 我净觉得去食米线时，有种和谐的感觉。因为喺呢到，国内人、本地人，甚至宾宾都有，大家都系一心一意嚟食米线，绝无争拗。今日，我哋每人一碗米线，加多杯热奶茶，一齐 share，几鬼温馨。佢食，鸡肉、豆卜，少米线，番茄汤底。骤眼睇，啲鸡肉碎湿湿，唔容易揾到佢出嚟食。反而，豆卜就大大旧。我食，墨丸、炸鱼片头米线，麻辣5小辣。虽然是5小辣，但系条脷都有晒反应，有少少发麻，但又几过瘾。炸鱼片头，好爽口。墨丸就好弹牙，充满墨鱼味。米线当然系滑滑溜溜啦。八十一蚊，午餐都算系咁啦。