稻田食堂

营业中

休息中

以前仲系学生，嚟到葵芳就梗系要去葵涌广场扫街啦！但当年纪越嚟越大，好似同葵广有种格格不入嘅感觉，如果想好好地坐低食餐饭，原来仁芳街食肆林立，当中不乏一啲卧虎藏龙嘅小食店。今次嚟到稻田食堂，餐厅主打日本菜同和风便当，价钱亲民实惠，份量十足，非常抵食。特选烧物盛特选烧物盛有椒盐珍宝牛舌串、盐烧鸡肉大葱串、炭烧鸡肉串、蒲烧鳗鱼串，每款各有两串，即叫即做，够晒新鲜热辣。牛舌大大块，以少少椒盐吊味就已足够，牛舌爽口弹牙，肉味香浓；另外，加上鳗鱼汁嘅蒲烧鳗鱼串就绝对无得输，好味！冲绳便当冲绳便当包括吉列千层芝心猪扒、汁烧金菇牛肉、味付螺肉、咖喱饭同三款刺身，我仲特意将咖喱饭upgrade做鲣鱼汤乌冬。乌冬食落滑溜，鲣鱼汤汤底清香，鱼味香浓；吉列猪扒炸到外脆内嫩，入面仲有拉丝芝士，令人回味无穷。筑地海鲜丼海鲜丼有四款鱼生，分别系油甘鱼、吞拿鱼、甜虾同纹甲鱿鱼。鱼生非常新鲜，特别钟意鱼油非常丰富嘅油甘鱼，非常满足。海鲜丼仲配有茶碗蒸同小食，咁就唔怕唔够饱啦！