米角

营业中

休息中

之前喺附近返工，耐唔耐都会帮衬吓米角。今日行过，见到有新嘢，仲要系我钟意嘅温泉蛋系列，梗系要支持吓啦！日式芝士汉堡扒海苔温泉玉子丼火炙过嘅芝士焦香好引起食欲，用猪肉同牛肉制成嘅汉堡扒肉味浓郁，配埋自家制和洋风酱汁，酸甜开胃又解腻。我先将汉堡扒同渍物夹起，然后将蛋味浓郁嘅温泉蛋、葱花同高纤又健康嘅五谷米捞匀，一啖汉堡扒一啖饭咁食，劲满足！鸡肉软骨鹿尾菜饭团呢度饭团嘅款式有好多，我最钟意鸡肉软骨鹿尾菜饭团。唔知大家有冇食过鹿尾菜呢？佢系黑色嘅，属于海藻类，食落口感爽脆，配埋饭团入面嘅枝豆、鸡肉同鸡软骨，口感非常丰富之余仲好有营养添！好欣赏呢度嘅紫菜系分开包装，袋上面有图画教学，想食嘅时候先包紫菜，咁块紫菜一定脆啦！因为丼饭系即时制作，店员话需要等大约10分钟，我坐咗喺门口嘅枱度等佢制作，可能𠮶阵时唔系好多人，佢整好咗之后好好人咁拎埋出嚟俾我，真系好贴心。