魚味市場居酒屋 (已結業)

今日女朋友话想食日本野，咁我就带左佢去食坚尼地城嘅鱼味市场食啦。呢间餐厅上次有朋友介绍过，一直都好想试下。餐厅地方唔算好大，有10张左右嘅二人枱，装修style似日本嘅居酒屋，周围摆满左酒瓶。我地分别叫左三文鱼刺身、原只牡丹虾刺身、朴叶炭烧牛柳粒、牛肉乌冬同叉烧拉面。三文鱼刺身属厚身，食落新鲜肥美。牡丹虾好大只，有手掌咁长，虾肉爽口甘甜。女朋友就大赞个朴叶炭烧牛柳粒！真系有一大块叶系个炉上面烧，睇住啲牛柳慢慢出烟熟，好似bbq咁。啲叶嘅香味入晒牛肉到，有种似食紧荷叶饭嘅感觉。牛柳粒入口即融，肉质好嫩活。牛肉乌冬卖相好精美 个汤底都好香下 一摆上台已经闻到 牛肉上台时仲有少少生 呢个做法相信系为左令牛肉唔会比汤搞到肉质变鞋 份量相当足 有冬菇 菜等配料 牛肉肉味够浓 易咬开 乌冬食落唔会太淋身 顺带一提 个汤底真系好好味 非常清甜叉烧拉面同样香味扑鼻而来 叉烧有两大块 仲有两只溏心蛋 拉面索哂啲汤汁 真系好正 汤底黎讲拉面个汤底就比之前个个浓味少少 我都系钟意牛肉个汤多啲 叉烧味道唔错 份量岩岩系一人一碗 够哂满足