一汁一菜 (萬宜大廈)

营业中

休息中

前排同朋友喺附近做完运动想食个快嘅就入咗呢间日本风格餐厅试吓。眼阔肚窄嘅我就拣咗和风定食，包一个汤、主菜、小菜、饭、同埋饮品。因为佢系一个快餐形式，所以一嗌就好快有嘢食。我拣咗北海道甜粟米鸡肉豆乳浓汤，汤嘅味道冇地铁站𠮶间饭团个汤咁浓，但系味道都唔错。主菜嗌咗猪软骨，个肉炆得好腍，如果个汁浓啲会更好。我朋友唔食餐，嗌咗个豚肉玉子豆乳咖喱饭，好特别好似我个汤嘅味道，不过咖喱版，我超级钟意😻超级推介呢个！我哋两个最后忍唔住都买咗个甜品要咗浓厚焙茶布丁，个布丁配豆腐雪糕，豆腐味好夹焙茶浓郁嘅味道，唔错唔错！