鹿巷

营业中

休息中

系附近嘅太安楼行完，想揾间小店坐低休息下。呢间小店主打和风小食，有主食、咖哩系列、扬物和冷盘小食，小店嚟讲都算几多嘢食～法式清酒煮蚬鲜嫩的蚬肉在带点甜味的清酒调味下更加美味。好多蚬肉，不会得壳咁揾笨，一壳一肉，而且冇乜沙，清理得几干净。特制鸡软骨贪得意加咗$10试下烟薰味，咸香扑鼻，坊间比较少有呢个味道，值得一试。香脆可口，同朋友吹住水，好快食晒。最后，叫咗个烧野菜渍物。店主话个酱汁系自家调制，酸甜开胃。野菜有莲藕、粟米仔同埋芦笋，好味又健康，冰冰凉凉好清爽。