Quattro's Kitchen (已結業)

日本菜绝对系港人至爱，鱼生寿司、和牛铁板烧、豚骨拉面等，真系谂起都即时患上选择困难症。但相对嚟讲，和风洋食真系比较少接触。平时睇卡通片，见到啲日本人行完百货公司之后，都会揾间和风洋食叹吓，我哋照板煮碗，嚟到太古嘅Quattro's Kitchen。自助沙律吧 + 餐汤午餐只需要加$28就可以upgrade变成半自助餐，无限添加沙律、餐汤、多款小食同甜品。喺主菜未嚟之前，最啱饮碗餐汤。今日嘅menu系周打鱼汤，配上牛油餐包。至于小食就有新鲜炸起嘅薯条、春卷、炸鸡粒等。如果想清新少少，当然唔可以错过自助沙律吧，有多款已调味沙律、沙律菜、青瓜、粟米、橄榄等，全部配料都非常新鲜！扒纽西兰西冷配羊肚菌红酒烧汁牛扒拣五成熟就啱啱好，肉质嫩滑多汁，牛味香浓，旁边嘅薯菜用过蒜蓉略炒，非常细心。值得一赞嘅系羊肚菌红酒烧汁，味道数会太浓而盖骨西冷牛扒嘅肉香味。扒虎虾青酱海鲜野菌意大利面虎虾大大只，非常厚肉，结实鲜甜。意大利面煮得啱啱好，软硬适中，每条都挂上creamy嘅香草酱，口感同层次大大提升。甜品最后当然要食埋自助甜品吧，今日提供啫喱杯、芝士蛋糕、泡芙、糯米糍等甜品，选择十足，让人非常满足！