和藏 (已結業)

呢间餐厅寿司刺身小食炸身主食咩都齐晒，好正宗既日本餐厅。比较特别既寿司有和牛他他紫菜卷，呢个系和牛他他再加上其他自选食材，中意食咩就简咩。先黎加上拖罗蓉+鱼子酱+穴子，食到拖罗既肥美，鱼子既咸鲜，软嫩既穴子，几重口感；而海胆+牡丹虾就有海胆既滑身浓味同虾既鲜滑；三文鱼籽+帆立贝就食到粒粒分明既三文鱼籽同爽甜既帆立贝！😎串烧都有好多唔同既款，牛舌芯，牛肩葱间，封门柳，鳗鱼呢啲都好出色，唔同既牛类串烧都充满牛味，肉质好好，加上少少烧汁烧出黎既焦香，味道口感都齐晒，鳗鱼都烧得好好，大大旧既鳗鱼，皮脆肉嫩！🥸小食亦有唔同既款式，唐扬豆池鱼同和牛可乐饼都好得，豆池鱼细细条，炸完出黎完全唔会油淋淋，咸咸地好惹味，加上鱼本身既鲜味，味道更浓；可乐饼都系外脆内软架，馅料既和牛份量乐多，一咬就咬晒啲和牛出黎，和牛既香味系口腔渗出，肉质滑嫩！😙主食比较特别系烧和牛他他丼饭·酱渍蛋黄·海胆·三文鱼籽，一个饭有几重味道，和牛他他既牛味，蛋黄既蛋香，海胆既咸鲜，三文鱼籽既咸香，全部都一流！😊