影片
更多
2018-09-27
26 浏览
收工约咗人去将军澳睇戏，喺开场之前梗系要医饱个肚，附近都有唔少好嘢食，就好似呢间精致得嚟又唔太贵嘅麻布茶房， 而且佢有唔少甜品同雪糕，最啱就系一啲好钟意食甜品嘅女仔。晚餐都有唔少选择，我哋首先叫咗两款嘅小食试下，一个就系杂锦天妇罗，有海虾同埋唔同嘅蔬菜，就好似茄子、南、青椒等等，非常新鲜热辣，而且个皮好脆好香口，但系唔会太厚粉，加埋个天妇罗汁，唔会太油腻又够香口。天妇罗汁可以加少少萝卜蓉，会更加清新爽口。另外仲叫咗个串烧拼盘，有四款唔同嘅串烧，肉方面有牛肉同鸡肉粒，菜方面就有秋葵同冬菇。 每件串烧上面都加咗烧汁，非常惹味。而我比较欣赏佢嘅秋葵同烧冬菇，烧得非常够干身，但又吸收晒啲烧汁味。主食方面我哋各自嗌咗两个安格斯牛肉火锅， 唔同嘅只系汤底，我就嗌咗泡菜汤底，朋友就嗌咗寿喜烧汤底，两款嘅味道都唔错，不过寿喜烧嘅酱油味比较甜，所以我都系钟意泡菜汤多啲。而且牛肉嘅肉味都几香，但系唔会太肥，入口都几嫩滑。最值得一赞既系每个餐跟咗只生鸡蛋，非常香蛋味，用嚟捞豉油或者打落个汤食都一流。我哋都冇选择到白饭，而系拣咗乌冬，同埋好特别嘅屏屏面。两者面则都有啲相似，唔同嘅只系阔度，屏屏面比较阔身，入口
晚餐都有唔少选择，我哋首先叫咗两款嘅小食试下，一个就系杂锦天妇罗，有海虾同埋唔同嘅蔬菜，就好似茄子、南、青椒等等，非常新鲜热辣，而且个皮好脆好香口，但系唔会太厚粉，加埋个天妇罗汁，唔会太油腻又够香口。
天妇罗汁可以加少少萝卜蓉，会更加清新爽口。
另外仲叫咗个串烧拼盘，有四款唔同嘅串烧，肉方面有牛肉同鸡肉粒，菜方面就有秋葵同冬菇。 每件串烧上面都加咗烧汁，非常惹味。
而我比较欣赏佢嘅秋葵同烧冬菇，烧得非常够干身，但又吸收晒啲烧汁味。
主食方面我哋各自嗌咗两个安格斯牛肉火锅， 唔同嘅只系汤底，我就嗌咗泡菜汤底，朋友就嗌咗寿喜烧汤底，两款嘅味道都唔错，不过寿喜烧嘅酱油味比较甜，所以我都系钟意泡菜汤多啲。
而且牛肉嘅肉味都几香，但系唔会太肥，入口都几嫩滑。
最值得一赞既系每个餐跟咗只生鸡蛋，非常香蛋味，用嚟捞豉油或者打落个汤食都一流。
我哋都冇选择到白饭，而系拣咗乌冬，同埋好特别嘅屏屏面。
两者面则都有啲相似，唔同嘅只系阔度，屏屏面比较阔身，入口就比较吸味，乌冬食落就比较滑。
仲叫咗杯巨峰乳酸，都几清新。
最后当然唔少得我最期待嘅甜品啦我哋就嗌咗两杯新地分别系芒果同埋士多啤梨 有唔少生果喺上面有桃、杏脯、士多啤梨等。
不过感觉上芒果新地比较抵食，因为芒果新地会跟一球芒果雪糕，但系士多啤梨新地就跟一球云呢拿雪糕，有啲伤心。
总括嚟讲都系唔错，想近近地方便咁食日式料理，都可以一试。
张贴
