掌壽司 (已結業)

如果在观塘区识揾食，除了在大商场外，这里绝对又系一个好地方，今晚就同朋友去了朋友推介嘅寿司店，内里装修简约，直望就系师傅嘅寿司吧，而座位就系在中间位置嘅餐枱，餐牌上有套餐选择，但朋友喜欢散点嘅食物，就由她发板，先点了个贝柱蟹膏沙律，上枱都觉得超级足料大份，蟹籽在蟹膏上，香浓蟹膏配蟹籽加埋新鲜爽口沙律菜，十分清新！当然寿司亦有自己喜欢嘅带点甜味嘅玉子寿司、肥美嘅三文鱼腩寿司、烧得十分香口嘅鳗鱼寿司，经火炙过嘅鱿鱼寿司，落单即做整体新鲜美味！而呢件海胆军舰上嘅海胆完全放满了海胆，海胆入口鲜味香浓，必食推介！而个吉列虾手卷，用了香脆紫菜卷住香脆吉列虾，入口卜卜脆，即做质素高！而这里嘅串烧都十出色，烧骨付肠烧得外脆，入口时皮脆肉嫩之余，骨肉即时分离；烧鸡翼烧得十分香脆肉嫩，阵阵香味扑鼻！而大葱鸡肉串，嫩滑鸡肉拼上爽口大葱味道十分配合！还有在日本时都会食嘅可乐饼，蟹味忌廉可乐饼，外面十分脆口里面带点蟹味忌廉薯蓉，够晒味道！看似好小嘅食量，但慢吃同埋边食边讲真系十分满足！店员服务亦十分殷勤有礼！可以再来之选！