有鑊氣-酸菜魚 (醫局街)

营业中

休息中

呢间一定要同大家分享👍🏻因为每一个𩠌都好好食😋有名你叫，有镬气架嘛！因为个个𩠌都好好食，重点介绍几个，我觉得绝对唔可以错过既先💖❤️冰镇咕噜肉系直至现在为止，食过最好食既咕噜肉‼️事关佢外脆内软，里面肉质嫩口，外面做左层好似冰糖壶芦咁嘅糖皮，脆得黎甜甜地，食过后，会一旧接一旧，好食到停唔到！❤️江南四小拼有猪手，腌萝卜，海蜇，口水鸡🥰 个人认为，四款各有特色，都值得一试。❤️生磨杏汁猪肺汤净系饮个准备功夫，都值回票价啦！汤够足料，杏汁唔会过重，抢哂个味，个人觉得同汤味之间平衡到。系太大碗，女孩子可以share😬❤️椒盐鲜鱿炸皮做得好薄，入面既鲜鱿大旧唔在讲，仲要爽口唔韧，又系食到停唔到口😬❤️脆皮咖喱牛腩店家真系好擅长整炸嘢，呢个牛腩，本身无论点唔点咖喱汁，都已经非常好食！真系好佩服佢，竟然谂到咖喱牛腩，加个脆皮！成件事丰富好多，口感即刻唔同晒🥰❤️椒盐炸豆腐又系另一个外脆内软既好介绍，入面个豆腐非常滑，食多几个都无咩负担🥰其实仲有好多其他既𩠌，都非常好食，真系写唔到咁多😂留返俾大家，自行发掘🙈我都要揾次返去encore 先得🥳提提大家，有啲𩠌要预先订定。唔想食唔到，记得早啲打去问清楚啊💖✅ 味道: