Viva Pasta

营业中

休息中

外卖自取叫咗个咕噜鸡球饭，咕噜鸡皮薄、肉质爽嫩，拎到返公司个皮都仲系脆，非常好食，个汁亦唔会死酸或太杰，真系出色！虽然外卖要等好耐因为佢哋太多单做唔切，但好食真系要赞。之前食过佢哋嘅蕃茄鸡扒汤乌冬、焗猪扒饭，都ok, 但今次个咕噜鸡球饭真系好有水准。下次会再试下其他嘢。性价比高，饭连热饮都系$44，喺𠮶头好难揾到。热柠茶茶底都ok, 唔会太苦涩，柠檬都新鲜。只希望佢哋请到人帮手，咁外卖可以唔使等咁耐。