咖喱煲 (已結業)

同老友记好耐冇见，当晚大家都有忽然想食额什米尔式薄饼(Kashmiri naan)，就走左去轩尼斯道揾一间东印度餐厅，点知已经执左笠，唯有去后一条街的咖哩煲。呢间咖哩煲其实开左好多年，但一直不曾试过，因缘际会就来试下。一上楼就遇见openrice的两位食友，真系巧合之极。坐低叫左腰果咖哩虾(prawn korma)、马沙拉炖羊肉(lamb masala)、额什米尔式薄饼同洋葱小茴香子饭。腰果咖哩虾有四只大大的虾仁，新鲜爽甜，配腰果煮的咖喱汁系非常合拍，好味；马沙拉炖羊肉的咖哩汁虽然冇食开果种咁香，但羊肉炖得好腍，味道都唔错，如果辣一点就更佳；薄饼一睇卖相就知唔得，切成细细四件，质地略湿，加上用的杂果竟然系超甜红车厘子同椰丝，味道实在令人失望，不过又不至于难食啦﹝naan好难整得难食咯﹞；洋葱小茴香子饭非常美味，主要归功于小茴子的独特香味，饭系用长米煮的，不过又唔系印度果只特别幼身的品种。最后有敬送的甜品两件，外型系淋上朱古力酱的炸角仔，味道系一如所料的难食，中间系甜椰丝馅，冻冻湿湿咁─中东的甜品实在好少好食的，不过又唔驶难食到咁！总括来说，呢度环境算唔错，重有个细细地的露台，食物水准亦