吉列牛忌廉烏冬專門店 (彌敦道)

营业中

休息中

之前嚟食鱼面嘅时候见到楼上有石板吉列牛同忌廉乌冬，一直都想试下，今日同同事喺附近上完堂终于有机会。同事拣咗吉列牛定食，都几丰富，除咗主角吉列牛同加咗饭素嘅白饭，仲有蕃茄仔同麻酱豆腐两款前菜同埋面豉汤。吉列牛份量适中，外面炸得酥脆，可以就咁食或者放喺石板上烤。牛肉油脂均匀，放喺石板上轻轻煎一煎，入口肉质软腍，肉汁丰富。我拣嘅牛肉咖哩忌廉乌冬亦非常有惊喜，一上枱以为系甜品，满满一碗好似整蛋糕用嘅甜忌廉。一夹落去原来内有干坤，底下系浓淡适中嘅咖哩汁，香滑嘅忌廉散发住淡淡嘅奶香，同咖哩乌冬出奇地夹，成个配搭都几惊喜。蜜糖鸡翼又香又脆，牛油味好香，面头洒上白芝麻更加香。