蘇媽.蘇媽馬來西亞茶餐室 (已結業)

苏妈苏妈，几年间分店愈开愈多，间间都系人龙店，一啲都唔简单。之前多数同朋友去，好多时会叫肉骨茶，今次一条友，就简简单单，食个汤咖哩米通粉。我钟意食米通粉，因为口感冇咁腍，而且粉中间空心，挂汤一流。一啖入口，颇辣而充满椰香嘅咖哩汤底充斥味蕾，好正。配料都好丰富，有白鱼蛋，鱼肉卷，薯仔，芽菜，豆卜，豆角，薄荷叶等，特别钟意索满咖哩汤嘅豆卜，同埋煮得好腍好入味嘅薯仔。加五蚊叫埋杯镇店之宝嘅拉茶，又香又甜，确实系食辣嘢嘅最佳配搭。