沙隴餐廳

营业中

休息中

平时收工时间系大埔都会拣食米线，但呢几日食左太多餐米线，所以拣左食第二最爱既茶记。沙陇差唔多每日收工都会经过，但食既次数就好少，见到人推荐佢既咖哩饭同奶茶就拣左咖哩牛肉饭同冻奶茶啦。咖哩牛肉饭上黎既卖相不过不失，份量偏大碟，岩我呢种大食怪，重点系多汁！捞饭一流，咖哩既味道微辣带甜，系港式既味道，十分钟就清晒成碟饭了。而冻奶茶既奶茶比例唔错，怕肥既我永远都叫少甜/走甜，少左甜既冻奶茶都依然醇滑，比例适中，系我中意既味道。下次谂唔到食乜既时候都会再黎试下佢其他碟头饭，饮番杯冻奶茶。