翠華冰廳 (已結業)

去開荃灣返工又約左朋友係荃灣廣場交收，於是就地搵間餐廳食野，今次試下呢間翠華冰廳味道如何先，一入去首先地方好大而且open kitchen，沙發舒服。菠蘿包好大個都只係8蚊，外脆內軟，平時經過下午茶都好啱買返個食，紅豆冰少冰多奶正！紅豆份量夠，中意佢硬硬地有咬口，少冰正既位係唔會溝淡曬就算擺得耐，超級大力推介咖啡牛腩飯，咖哩汁香辣味平衡，撈飯一流，牛筋夠曬稔，入口即融好滑，令人想一食再食，牛腩份量都多而且肉質唔嚡，好稔易咬，厚切餐肉滑蛋治都好creamy，仲有芝士焗豬排飯超大塊豬排，大家黎開荃灣都可以試下！