大食代 (新港中心)

营业中

休息中

听女朋友话o系第二度食过「咖哩物语」觉得ok，o系呢度又见到有一间，就试下。我地叫左咖喱猪扒焗饭套餐同埋咖哩炸虾饭。好一间日式咖哩专门店，但系d咖哩汁真系好麻麻地、好滞。d炸虾都只系一般je。块炸猪扒先至最攞命，初头食只系觉得一般je、好油、色泽暗淡、外皮唔脆，都未至于难食，但系食食下先发觉块扒仲生生地ge! 大佬，猪肉煮唔熟畀人食好易搞到人病架! 好明显系因为有太多客所以急急脚未熟透就攞出黎卖啦! 我攞去同佢讲，希望佢帮我整番熟d，但系佢好明显又系因为忙而只系畀过一碟新既我，已经心知不妙。番埋位用筷子笃开块新既猪扒睇下，又系一样生生地既，搞到我成块都冇食，剩系食d饭。讲左咁多唔好野，讲番d值得赞既地方。个套餐跟左个salad，入面有一个紫色既球，好似系芋蓉，味道几特别，几好食!不过我下次食日式咖哩都唔会再帮衬呢间喇。好怀念新港地库以前系city super既food court，果时d日式咖哩真系好好食。