佐敦咖哩屋 (已結業)

夜晚同屋企人嚟食，我第一次嚟食，睇落都几正宗。系印度人开、厨师都系印度人，识讲广东话。除咗墙上嘅嘢食之外，仲要套餐。我地四个大人嗌咗个3-4人B餐餐前小食，脆片唔算好热气，唔辣唔咸，点埋个酱真系好好食!!有4杯餐饮，有一碟烤鸡。铁板上，热辣辣，睇落以为啲鸡肉会好鞋好硬，结果系相反，啲鸡好嫩滑唔鞋唔硬。蒜蓉烤饼，一啲都唔油!! 之前食过好多间都油得好紧要，蒜蓉味唔系好浓，点啲咖哩仲好食。套餐可以拣咖哩羊肉、鸡肉、牛肉、牛腩、牛脷拣。我哋拣左羊肉、鸡肉同牛腩。全部肉质都好嫩滑，羊肉味好香，必食!! 辣度方面都有得拣，我地拣左小辣。咖哩炒杂菜，辣味比上面三碟稍为辣啲。乜都有啲，有啲粟米、青豆、萝卜、椰菜、青椒、蘑菇等。炒饭，饭一粒粒好干爽，唔油。